كتبت تقول
امنعوا الإرهابيين من احتلال بلادنا
من العنوان كدا أول القصيدة معرفش ايه ، يعني تحريض القارئ _ أيا كان هذا القارئ المهم انه ابن البلد. البلد التي على وشك الإحتلال .وا حسرتاه - تحريضه على استخدام كافة وسائل المنع ( لا أدري ماهي ) للزود عن البلد الحر مصر بلدنا الغير محتلة ! ! نخش على أول سطر ويبدأ سيل النطح في المليان والفاضي ، فأتباع الإخوان ( وهم الإرهابيين المحتلين ) لا يفكرون في مناقشة المعارضين ... ينعتونهم بالكافرين .. بالزنادقة .. بالجهلة .. ثم يبدأون في محاولة إيذاء المعارضين ( كتر خيره ماقالش ايه نوع الأذى ) ثم يبدأ في الحزن على كلمة المسلمين التي ما كان يجب أن تعقب كلمة الإخوان فليس هناك أدنى علاقة بين الإثنين ( الظاهر انه عنده معيار تاني غير الشهادتين )ثم يعلن عن اصراره على عدم الكف عن اعتبار الإخوان المسلمين جماعة إرهابية ذات خلفية دينية متشددة ( عاملة زي الخلفية اللي بتظهر في كليبات دبح الرهائن بيحطوا شعار اسلامي ثم الله أكبر ثم الدم يخر من الرهينة ) ولم ينسى في وسط الكلام انه يعمل احصائية عن حجم المصريين ( المعتدلين ) الذين قاموا بتقييم الإخوانجيين بانهم دخيلين ( يعني جايين من بلد تانية بنت ستين في سبعين ) وطبعا كلمة المعتدلين تضاد في المعنى كلمة متطرفين يبقه الإخوانجيين متطرفين كمان .وهنا يبدأ سرد الأسباب الشخصية ( إشمعنى شخصية يعنى ؟ مش عارف ايه شخصنة الأمور دي ؟ يالا المهم ) الأسباب الشخصية اللي أشعرته بالخطر وهي : واحد : كل تجار الأدوية المهربة إخوانجيين ( يا رااااااااجل مفيش واحد قابلته كدا والا كدا ؟ )ـ
اثنين : كل المرتشين اللي بياخدو الورقة ام عشرين اخوانجيين ( وكان له الشرف في أنه السبب في القضية المعروضة لأحدهم في النيابة )
تلاتة : المساخر اللي بنشوفها من المنقبات ( ثم أشار الى السرقات التي يرتكبها منتقبات ) المنتشرات بالعبيط كإنك في إيران ( مؤكدا صحة كلام زاويراس )ـ
أربعة : بين السطور بيقول ان الإخوان يهمهم انتشار النقاب كرمز لانتشار الفكر الإخواني
خمسة : المنقبات لا اخلاق ولا حياء وهناك مواقف كل يوم بيشوفها ( هي إيه ؟ ما قالش ! )ـ
ستة : شباب الجامعة استعدوا ليتحملوا مسئولية الإرهاب المقدس ( العرض العسكري التخويفي اياه )ـ
سبعة : أشكال غريبة سوداء لا تعرف إذا كانت قادمة أم ذاهبة ، بناطيل مشمرة ، طواقي صوف عجيبة ، غترة خليجي ( ديفيليه اخوان شو )ثم ختم بأن فكر الإخوان جاي من الم6تطرف عبد الوهاب
.
وهنا انتهت الأسباب وسكت المدون شارم لايف عن الكلام الهباب
وأنا أسأل : فين بقه الأسبابأعتقد ان ردك حيكون انا مالي هم آلولي قول كدا عشان الخطة دلوقتي ان احنا نغرق النت بهذه المدونات ، زي المنشورات اللي بتترمي من الطيارات
شارم لايف
من وراءك؟؟؟